توت.....................توت
توت .. توت قطر صغنتوت.. توت .. توت ..في الليل بيفوت
توت..توت ..وف عجله الموت
توت..توت.. وف قلبه حريقة
توت..توت.. تولع في دقيقة
توت..توت.. ويموتوا آلاف
توت..توت والباقي يخاف
توت ..توت ..إن خفت ما تركب
توت ..توت.. أركب لك مركب
توت..توت .. مركب وحلانة
توت.. توت.. تايهة وغرقانة
توت..توت .. وصاحبها برئ
توت..توت .. بدايتها حريق
توت..توت.. وآخرها الدية
توت.. توت .. من ألف لمية
توت.. توت.. إدفع حتعدي
توت..توت.. دي بهية بتدي
توت..توت .. تدي الهليبة
توت .. توت ..والأرض نهيبة
توت..توت.. شفطوها جناين
توت..توت.. قلبوها مداين
توت.. توت يا سنابل قمحي
توت..توت.. ماتفوقي وتصحي
توت..توت.. محتاج لك أبني
توت..توت ..يشبع ويغني
توت..توت أبن العشرين
توت.. توت .. وده لحنه حزين
توت..توت.. عاش بدري خريفه
توت..توت.. مش لاقي رغيفه
توت..توت.. واقف في طابور
توت..توت مستني الدور
توت..توت.. والدور ده بعيد
توت..توت.. ومفيش في الإيد
توت..توت.. وقالوا له يسافر
توت..توت أو حتى يهاجر
توت..توت.. بيعها دي خرابة
توت..توت ..باعها لعصابة
توت..توت.. باشوات العصر
توت..توت ..بنوا فيلا وقصر
توت..توت وانا ساكن عشة
توت..توت.. مرعوشة وهشة
توت..توت .. هدمتها الصخرة
توت..توت .. وخسرت الأسرة
توت..توت.. وفرشت ترابي
توت..توت ..وكتمت عذابي
توت..توت.. وده فيلم وهابط
توت..توت.. جه شاويش أو ظابط
توت..توت.. كفه على قفايا
توت.. توت ..لو ابص رورايا
توت..توت.. حياخدني تحري
توت..توت.. ع البرش المهري
توت..توت.. ولقيت لي اوكاندة
توت..توت.. ما كفاية معاندة
توت..توت.. أتكلم قول
توت..توت.. مين سرق المول
توت..توت.. شركاءك مين؟
توت.. توت.. فيه آلاف شاهدين
توت..توت.. وبلاش تضربني
توت..توت .. راح أبصم يا ابني
توت..توت .. السجن ده سترة
توت..توت.. حاصبر ع السخرة
توت.. توت ..واحلم واستنى
توت.. توت .. قصرين في الجنــــــــــــــــــــــــــــــــــــــة
كتبها fatma attia في 07:12 مساءً ::
24 تعليق
في06,نوفمبر,2008 - 10:06 مساءً, مجهول كتبها ...
http://www.sky-bramj.com/vb
منتديات سما البرامج
في06,نوفمبر,2008 - 10:32 مساءً, هدى صالح كتبها ...
توت..توت وانا ساكن عشة
توت..توت.. مرعوشة وهشة
توت..توت .. هدمتها الصخرة
توت..توت .. وخسرت الأسرة
توت..توت.. وفرشت ترابي
توت..توت ..وكتمت عذابي
بطه
جيت اشكرك على زيارتك وكلامك الجميل لقيت مفاجاه
رائعه بجد
يارب يحميكى ---------- وياخد عدويكى
في06,نوفمبر,2008 - 10:34 مساءً, هدى صالح كتبها ...
بجد اول مرة ادخل الفيلا بتاعتك
المدونه يعنى لقيت فيها قراءات جميله وذوقك راقى فعلا
بصى متقفليش الباب هرجع تانى استمتع
تحياتى
في06,نوفمبر,2008 - 10:44 مساءً, fatma attia كتبها ...
أهلا بيكي ياروح قلبي ........ سعيدة جدا بزيارتك .. ويارب تكرريها دايما ...
أنا زرتك انهاردة في مقالك عن مؤتمر الحزق الوطني .. وكتبت تعليق متواضع
وزرت صاحبتنا هند............
يااااااااااااااه يا بنات يا مصرويات .. أنا راسي قربت تخبط في السقف من فرحتي بيكن
هدى ..... أوعدك عمري ما حاقفل الباب أبدا ..........لكن بصحيح .. أنا ما عنديش باب أصلا ... لا باب ولا بواب .. مفتوحة دايما لقلوب الأحباب
سأنتظرك دائما .. على القمة .. قصدي الناصية .. أصل أنا اسكندرانية يا عسل
في06,نوفمبر,2008 - 11:47 مساءً, Adam Adameen كتبها ...
صديقتي فاطمة
حرفك في داري
عزز إيماني
بالعدل والحرية
بالناس الطيبة
صدقك فطوم الواعية
يجعلني دوما في نفس أبية
أما كلماتك في قصر دولنك
فهي معبرة عن مصيبة مصر والعرب
نعم
توت توت على كل حوت
توت توت جلب البقرات
توت توت وباع الأرضات
توت توت للخواجات
توت توت والشعب مات
توت توت م المؤامرت
فاطمة
عقلك الواعي
وقلبك الحاني
فعلا أنعشا الفرحة في قلبي
مع التقدير والحب
آدم
في07,نوفمبر,2008 - 06:40 صباحاً, لا اله الا الله محمد رسول الله كتبها ...
ارجو ان تشرفونا بمناقشه هذه الحادثه الخطيره فى مدونتى راصد التنصير
رسومات مسيئة للرسول الكريم بأحدى شركات التأمين بمصر
مفكرة الإسلام:عثرت أجهزة الأمن فى الدور الرابع من المبنى الرئيسى للشركة القابضة للتأمين فى شارع طلعت حرب على رسومات كاريكاتورية مسيئة للرسول صلى الله عليه وسلم ، وذلك فى الطابق المخصص لإدارة الحريق والنقل التابع لشركة مصر للتأمين.
ويذكر أن دورة مياه السيدات قد شهدت قبل أسابيع رسوماً وإساءات للإسلام والرسول وتم إبلاغ إدارة الشركة التى أجرت تحقيقات داخلية، ولم تخطر أجهزة الأمن وأزالت هذه الكتابات والرسومات المسيئة، وذلك بحسب ما نشرته جريدة " المصري اليوم".
ومنذ أيام فوجئ العاملون بوجود هذه الرسومات، وتم إبلاغ جهاز مباحث أمن الدولة والتحفظ على الحمامات وتشميعها بالشمع الأحمر واستجواب موظفى الشركة للتعرف على صاحب هذه الرسومات.
الخميس 8 من ذو القعدة1429هـ 6-11-2008م الساعة 10:31 ص مكة المكرمة 07:31 ص جرينتش
في07,نوفمبر,2008 - 09:11 صباحاً, AMEERA كتبها ...
السلام عليكم
رائع ما قرأته هنا
=======================
من كل قلبى ادعو لاحبائى
أن يجعل الله لكم فى كل خطوة نورا
وفى كل لحظة بهجة وسرورا
ويبارك لكم فى الطاعات
ويقيكم شر الموبقات
إنه سميع مجيب الدعوات
جمعتكم مباركه
أميــــــــــــــــــــــــــــــــــــره
في07,نوفمبر,2008 - 01:47 مساءً, DIJLA كتبها ...
تحيات ...
بجمعه مباركه وورد ...
لك و لكل اخوتي ...
تقبلوا المرور بود .....
اختكم دجلة ......
في07,نوفمبر,2008 - 04:38 مساءً, الخنســـــــــــــــاء كتبها ...
توت كلمات سهله
توت عبارات سلسله
توت ابدعتي اختي
توت اسعدك ربي
توت توت
تقبلي مروري
الخنساء
في07,نوفمبر,2008 - 07:19 مساءً, وافق أصيل كتبها ...
تحياتي
توت ..والطاعوت .. يرحل او يموت..
توت والكل بمر وبفوت..الهوان ما بموت..
يسكن القلب..والعظم..ويرحل مع المرء في التابوت..
دعوة لك كي تزوري مدونتي..هل تلبين؟
ليلتك حلم..
في07,نوفمبر,2008 - 08:07 مساءً, إيهاب الحمامصى كتبها ...
توت. . توت وحكيتى حكاية
توت .. توت ..وتعالى معايا
توت .. توت. . محروق وغريقة
توت .. توت .. ده ف مصر حريقة
نمسح دمعتها
توت ..توت .. نفك ضيقتها
توت .. توت ..انا وانتى وهما
توت .. توت .. الهيصة واللمة
توت . توت .. ونولع شمعة
توت .. توت .. وتزول الضلمة
في07,نوفمبر,2008 - 11:25 مساءً, هنــــد كتبها ...
توت ..توت ..إن خفت ما تركب
توت ..توت.. أركب لك مركب
توت..توت .. مركب وحلانة
توت.. توت.. تايهة وغرقانة
توت..توت .. وصاحبها برئ
توت..توت .. بدايتها حريق
توت..توت.. وآخرها الدية
توت.. توت .. من ألف لمية
....................................
فاطمة القمر
ايه الجمال ده ..
ده أنا كل يوم هأفوت ...توت ..توت
محبتى .
في08,نوفمبر,2008 - 01:39 صباحاً, سجين الوطن كتبها ...
00000((((( ام دم خفيف ... وقلم حريف ... فاطمة )))))0000
---------------------------------------------------------------------
رتم جدبد للالقاء ... ده احلى ما فى الحكاية
موسيقى منتظمة .. مفيش اخطاء ... وده ريحنى فى القراءة
كلمات بسيطة كلنا بنقولها كل يوم ... تحسسنى بقربك منى
اكثر من قضية ناقشتيها فى ادراجك ... وده لضخامة الفكر اللى كتب الموضوع
خفة دم خلتينى اضحك وانا مكشر من الصبح ...
يبقى ناقص ايه ؟؟؟ ولا حاجه ادراج راااااائع متمكنه من قلمك
زجالة ماهرة ... ربنا يحفظك
زيارتك تسعدنى ... اتمنى التواصل
الى اللقاء
في08,نوفمبر,2008 - 07:07 صباحاً, ابن البلد كتبها ...
الجميله بطه
اسعد الله صباحك ياست الكل
ايه الجمال ده والابداع ده هانفضل لحد امته نقول توووووت قلبنا وجعنا والله العظيم
يارب بقي كفايه توووووووووووووووووووت والضرب بالنبوت
معلشي ست الكل كنت مغشول عنك كنت مع اوباما في الايام اللي فاتت دي كان لازم اقف معاه في محنته يمكن يقف معنا في طابور العيش وياخد باله من الوطن العربي المحتل
ويرفع ايده بقي عن 15 دوله العربيه اللي اخدهم بوش وابوه
دمتي بخير بطه
ودام مزاجك العنب
في08,نوفمبر,2008 - 02:30 مساءً, د : سـيـد مخـتـار كتبها ...
إيه الحلاوه دى
توت ..وقطر .. ومركب .. وبهيه .. وفيلا .. وقصر .. ومول
أحمدك يارب ..
لكن يارب
قصرين فى الجنه أحسن
تحياتى لك
في08,نوفمبر,2008 - 04:10 مساءً, القلب النابض كتبها ...
العزيزة .. فاطمة .. دمتي في حفظ الله ورعايته
توتك حرك نبض القلب الساكن
توتك عدى وخدنا وهدى في بحرك لكن
توت الميه غلبنا وتهنا ماغرقناش غرقنا المالك
بس عشانك لازم نصبر أو نتهالك
ما احنا زمانا ما بقاش مالنا ولسان حالنا بيدعي المولى يعدلهالك
أختنا فاطمة بكل الحب اقبلي تقديري واحجزي ليّ وكل اخواني
شبر ونص كفايا عشانا
بس نحسن اننا في الجنة
وادعي معانا .. يبعدوا عنا .. قولي حرام لو جولنا الجنة ..
لكن عارفة .. عمر حرام الدنيا ما فاتهم .. في الغلايا أو في التوت
وتوت توت .. حدوتك حلوة .. ماليها المر لكن بالصبر حتكمل غنوة
ونغنيها في كل بيوت .. توت توت
استمتعت بكلماتك الرقيقة .. العميقة .. الصارخة
وانتظري توتي في القريب العاجل إن شاء الله.
أخيك
سعيد فياض
في08,نوفمبر,2008 - 05:16 مساءً, اتحاد المدونين المصريين كتبها ...
اخى الفاضل
اختى الفاضلة
نهاية التساؤل الذى طرحناه على مدونتنا
------------- ( كيفية مواجهة المدونات المسيئة ) ------------------
واليكم رد ادارة مكتوب على خطابنا بهذا الخصوص ..
شكرا لكم تواصلكم معنا
في08,نوفمبر,2008 - 05:53 مساءً, الصــحـفى / مصطفى الغنيمى كتبها ...
توت توت توت
قصدى
السلام عليكم ورحمة الله وبركاته
الاخت الكريمة
ازيك عاملة ايه
وعلى العموم انا سعيد جدا بزيارتك لمدونتى المتواضعة
واتمنى ان لا تنقطع الزيايرات
وان يدوم التواصل بيننا ان شاء الله
وعلى فكرة الكتاب متوافر فى الاسواق
فى مكاتب توزيع الاهرام
والسعر 6 جنيه بس
ايه رايك بقى
مستنى اسمع رايك وانتقادك فى كتابى الجديد
ومسك الختام تحية الاسلام
صديقك /
مصطفى الغنيمى
في08,نوفمبر,2008 - 06:52 مساءً, أحمد سعيد كتبها ...
الرائعة فاطمة..
أسلوبك يجنن
بلاوينا كتيرة
وما يحدث بالوطن ماهو إلا مأساة كبير ة.
أتمنى لكِ دوام التألق .
أخوكِ دائماً نيجــر .
في09,نوفمبر,2008 - 01:46 مساءً, من ابداعات اعضاء(اتحاد المدونيين المصريين ) كتبها ...
صليل الأساور ....
في11,نوفمبر,2008 - 07:22 صباحاً, ضفاف كتبها ...
. هنا حيث نريد أن نسموا بأحاسيسنا حيث الانسان وروح الانسان.. هنا حيث اللغة المتوفرة في الذات المسكونة بالصدق.. أدعوك للتمعن والتحليق معي في الجزء الرابع من شيىء من القلب.. ومعذرة.. لقد أقعدنا المرض طيلة الغياب الماضي الحمد لله لقد عدنا.
في11,نوفمبر,2008 - 09:04 صباحاً, سجين الوطن كتبها ...
(((( عفــــــــــوا ))))
::::::::::::::::::::::
زيارتكم لى ترفع من قدر اعمالى
ادعوكم الى (( فجـــر الأمــــل ))
الذى نحن بإنتظاره ..... وإنتظاركم
في17,نوفمبر,2008 - 11:55 مساءً, سجين الوطن كتبها ...
(( فطومــــــــــــــــــــــة ))
================
اشكرك لزيارتك الجميلة ام دم خفيف جدااااا
بنت بلدى المصرية بجد ..
الفتفوته .... بتتكلمى على الفتفوته
اسكتى ... مش طلع كله كلام كذب ولا فتافيت ولا حاجه
خافوا احسن نتعود على كده .. وكل شوية نطلب فتفوته ف لغوها
معلش يا فطومه كل فتفوته وانت طيبة
في21,نوفمبر,2008 - 09:29 مساءً, fatma attia كتبها ...
صديقي العزيز السجين:
ربنا يفك سجنك وسجننا ....
أسمح لي يا أخي أخالفك .. مش ممكن .. هي عمر الحكومة رجعت في كلامها
دي حكومة برفكس يا صاحبي .. كلمتها دستور .. خصوصا لو قالت حتدينا فتافيت ..يبقى حتدينا .. لأ .. عيب تشكك في صدق حكومتنا الغراء .. يا ابني ده اللي قال الكلام ده
أمل الأمة وناصرها الجديد ........
كدة حازعل منك .. لو كنت مش عايز فتفوتك .. هاتها .. أديها للغزاويين المحاصرين ومستنيين الفتافيت .. أو حتى بعها .. فيه عندي مشتري يهودي حيدفع لك اللي تطلبه
أه ه ه ه ه يا بلد ..
إلى اللقاء مع فتافيت ....................... الفتافيت